Zëvendësministri i Punëve të Brendshme, Bardhyl Dobra, tha se të enjten se kanë pranuar komente nga rreth 130 institucione lidhur me Projektligjin për paga dhe atë për zyrtarët publik, raporton InLajmi.
Ndërsa, sa i përket koeficientit për paga Dobra, tha se vlera e një koeficienti do të përcaktohet në bazë të buxhetit të vitit të ardhshëm.
“Çdo gjë që del nga institucionet tona nuk duhet të merren si të mirëqena. Jemi duke e bërë të pamundur që ta përfundojmë shqyrtimin e komenteve, por për shkak të rëndësisë sepse në të kaluarën siç e dini, shumë zyrtarë nuk e gjenin vendin në këtë Projektligj”, tha Dobra.
“Ne vlerën e koeficientit e caktojmë në bazë të buxhetit të vitit 2023.Koeficienti e përcakton vetëm pagën bazë, dhe paga bazë nuk e përcakton përvojën e punës”, deklaroi Dobra./InLajmi/
