Edhe pse i ka dhënë fund karrierës si xhudiste, për Sukseset e Majlinda Kelmendit në tatani do të flitet gjatë.
Në librin e botuar nga Federata ndërkombëtare e Xhudos me emirin “Legjendat e Xhudos” flitet për arritjen e vajzës së artë nga Kosova , e cila mban rekordin me 18 medalje të arta në 10 vite nga shtatori i vitit 2010 e deri më 24 tetor të vitit 2019.
Kelmendi duke komentuar këtë sukses të radhës për të në Prime Time deklaroi se ky sukses ka qenë befasi për të.
“Nuk i kam numëruar medaljet. Kam qenë në Kampionat botëror dhe aty më është dhënë revista. E kam pasur Distrian afër dhe e kam pyetuar a po shkruan këtu “Guinnes” dhe më ka thënë që po. Për mua ka qenë befasi”, tha fillimisht Kelmendi.
“Kam pasur një karrierë të bujshme, kam fituar gjithçka por edhe ky sukses për mua është i rëndësishëm”, shtoi ajo.
Gjatë gjithë karrierës së saj, Majlinda i ka fituar 44 medalje në përgjithësi derisa tani vazhdon të ushtrojë rolin e trajnerit pikërisht në shkollën ku ajo u rrit e mësoi hapat e parë në xhudo.
