Në Kosovë na pret mot me diell dhe vranësira të pakta lokale. Temperaturat do të shënojnë ulje kryesisht të lehta, ngase erërat do të ndryshojnë drejtim dhe do të fillojnë të fryjnë nga veriu dhe verilindja. Temperaturat do të lëvizin nga 6 ajo minimale deri në 22 gradë Celsius ajo maksimale.
Në Shqipëri pritet të mbajë mot kryesisht me diell dhe i ngrohtë. Ulja e lehtë e temperaturave do të ndjehet në zonat kontinentale, e më pak në zonat mesdhetare.
Edhe në Maqedoninë Veriore, Mal të Zi dhe Kosovën lindore nesër pritet të mbajë mot kryesisht me diell e vranësira të pakta lokale. Temperaturat shënojnë ulje të lehta, shkruan Meteo Ballkan.
Nën ndikimin e fortë anticiklonik edhe ditëve të ardhshme na pret mot i thatë dhe stabil. Priten alternime mes intervaleve të gjata kohore me diell e vranësirave lokale. Mëngjeset do të jenë të ftohta dhe me mundësi për mjegull afatshkurtër. Ditët stabile dhe me temperatura maksimale rreth 20 gradë Celsius e ndonjë gradë më lartë.
