Manchester United do të duhet t’i paguajë Cristiano Ronaldos afro 10 milionë paund, nëse duan të ndërpresin kontratën e tij.
The Sun thotë se 37-vjeçarit i detyrohet kjo shifër në pagat bazë për pjesën e mbetur të marrëveshjes së tij aktuale, e cila zgjat deri në qershor.
Klubi mund të përpiqet ta ulë atë tarifë, nëse fakton se refuzimi i Ronaldos për të zbritur nga stoli kundër Tottenham Hotspur ishte në shkelje të kontratës së tij.
Megjithatë, prestigjozja britanike zbulon gjithashtu se Chelsea mund të ofrojë një mundësi interesante pasi pronari i Bluve, Todd Boehly, është i hapur për të negociuar një marrëveshje për të nënshkruar me Ronaldon nga rivalët e tyre në Premier League.
Nëse një transferim i tillë ndodh, Ronaldo do të jetë shok skuadre me sulmuesin shqiptar, Armando Broja.
