Kryeministri i vendit, Albin Kurti, në Samitin e Ballkanit Perëndimor, foli edhe për lidhjen e Rusisë me Serbinë si dhe luftën në Ukrainë, ndërsa theksoi se nëse Serbia do të ishte një demokraci e vërtetë, nuk do të ishte kërcënim i madh i paqes në rajonin tonë.
“Historia shumë herë na ka treguar se sunduesit autokratik i japin llogari vetëm vetës dhe luftën e përdorin si lavdi për vetën, zgjerimin territorial apo përfitimit financiare. Në të kundërtën e kësaj llogaridhënia ndaj popullit i largon vendet demokratike nga lufta”, u shpreh i par i ekzekutivit të vendit Albin Kurti.
“Po të ishte Rusia vend demokratik me shumë gjasë nuk do ta sulmonte kurrë Ukrainën dhe ngjashëm po të ishte Serbia demokraci e vërtetë e jo shtet me një parti ku opozita nuk ka kurrfar gjase që të fitojë nuk do të ishte një kërcënim kaq i madh ndaj paqes afatgjate përfshirë edhe rajonin tonë” tha Kurti.
“Serbia ka mbyllur sytë ndaj agresionit rus. Presidenti i Serbisë nuk ka shfaqur asnjë lloj problemi në kuptimin e nënshkrimit të marrëveshjeve me aleatin e tij rus”, tha Kurti.
Tutje, Kurti theksoi se Serbia ka dashur t’i sigurojë edhe armët nga Rusia, investimet nga Kina, fondet evropiane por edhe tolerancën amerikane, njofton Klankosova.tv.
Por, krejt ndryshe nga Serbia, Kosova ka treguar qëndrim tjetër lidhur me vendosjen e sanksioneve ndaj Rusisë.
