Deputetja e Vetëvendosjes, Shqipe Mehmeti-Selimi, ndërsa është përmendur shërbimi obligativ ushtarak kur po diskutohet Strategjia e Sigurisë, bëri të ditur se shumë shpejt në Kuvendin e Kosovës për shqyrtim e miratim do të vjen edhe koncept dokumenti për shërbimin e detyrueshëm ushtarak, raporton Inlajmi.
Tutje, ajo shpalosi disa detaje ndërsa theksoi se Ministria e Mbrojtjes e ka themeluar një grup punues që po merret për hartimin e një projektligji, derisa shtoi se janë duke shikuar bashkëpunimin me Zvicrën, në lidhje më këtë.
“Ministria e Mbrojtjes, veçse e ka themeluar një grup punues, që po merret me hartimin e një projektligjit dhe kanë bërë vizitë në shtetin e Zvicrës, dhe janë duke shikuar mënyrën e bashkëpunimin me shtetin Zvicrës, si të implementohet në Kosovë për shërbimin ushtarak të detyrueshëm në Kosovë, po shikohen mundësi më të mira, nuk ka kontakte veç me Zvicrën por edhe me shtetet tjera”, bëri të ditur deputetja Mehmeti-Selimi.
Ndërkohë shtoi ajo se dokumenti është i qartë dhe specifikon rreziqet që mund ti ketë Kosova.
“Strategjia e sigurisë është shumë e qartë, dhe specifikon mirë rreziqet nga i vinë Kosovës dhe si do të duhet të veprojnë institucionet e saj”, tha deputetja Mehmeti-Selimi.
Siç tha ajo “Shumë shpejt do të vjen një koncept dokument, në parlament dhe ne do të jemi të gatshëm ta shqyrtojmë, qeveria i ka marrë masat, i ka punët e specifikuar, në drejtimin e strategjisë së sigurisë”.
