Një aksident trafiku ka ndodhur të premten në hyrje të Prizrenit, me ç’rast janë lënduar 3 persona, përcjell InLajmi.
Aksidentin dhe numrin e të lënduarve për Gazetën InLajmi e ka konfirmuar Zëdhënësi i Policisë për rajonin e Prizrenit, Shaqir Bytyqi, i cili theksoi se nuk dihet ende nëse të aksidentuarit kanë lëndime të rënda apo të lehta.
“Ka ndodhur një aksident trafiku në hyrje të Prizrenit, ku janë lënduar tre persona. Ende nuk dihet nëse ata kanë marrë lëndime të lehta apo të rënda”, tha zëdhënësi Bytyqi për InLajmin.
