Drita dhe Prishtina kanë publikuar tashmë formacionet zyrtare për ndeshjen derbi të vlefshme për javën e 12-të në Albi Mall Superligën e Kosovës.
Gjilanasit janë nikoqir të kryeqytetasve në takimin kryesor të javës, takim që pritet të zhvillohet në Stadiumin me bari sintetik në Gjilan, me fillim nga ora 13:00.
Ekipi i Ardian Nuhiut vjen në këtë ndeshje si lider, me formë të lartë dhe pa asnjë humbje deri tani, dhe shpreson të vazhdojë serinë me një fitore.
Në anën tjetër, ekipi i Ismet Munishit ka pasur ulje-ngritje këtë sezon, por pas fitores në ndeshjen e fundit, duan të vazhdojnë me rezultate pozitive.
Trajnerët e të 2 skuadrave kanë vendosur të startojnë me formacionet më të mira të mundshme.
Drita: Maloku, Bardhoku, Limani, Vitija, Blakqori; Jashari, Broja; Ajzeraj, Baftiu, Kryeziu; Simonovski;
Prishtina: Nika; Bytyqi, Belica, Pllana, Mici; Useini, Gashi; Pefqeli, Krasniqi, Hoti; Kryeziu
