Ish-eprori i lartë i Ushtrisë Çlirimtare të Kosovës Fatmir Limaj, ka folur për një rast të vështirë gjatë përballjes me forcat serbe.
Limaj u emocionua sa që nuk i përmbajti as lotët derisa fliste për momentin kur atij iu vra një ushtar 16 vjeçar.
Sipas tij, atë e kishin larguar nga UÇK-ja për shkak se ai ishte djalë i vetëm, por ai ishte kthyer sërish në luftë, transmeton Tv Klan.
“Në një aksion gueril, në shtator të 98-ës kur trumbetohej që UÇK-ja u shkatërrua. Në atë kohë kam organizuar brenda orës aksione të pandashme guerile, në një orë kam pasur 15 aksione, në 15 pika të policisë serbe, për të treguar që ishim aty. Avniu ka qenë 16-vjeçar, i vetmi djalë i nënës, s’ka pasur më. 3 herë e kemi larguar nga ushtria. Në UÇK ka qenë e ndaluar të jesh djalë i vetëm e të vish në luftë, edhe jo nën moshën 18 vjeç. Plus, nëse janë 2 vëllezër, njëri nuk duhet të jetë në vijën e frontit. Si rregull, jo e shkruar. Atë djalë 3 herë e kemi kthyer në shtëpi, 3 herë është larguar, 3 herë ka ardhur në luftë. Dhe herën e 3-të është futur dhe në aksion ai së bashku me ata ka qenë edhe një 18-vjeçar”, tha Limaj.
Kujtojmë se Fatmir Limaj, përveçse ishte ushtarak i lartë në UÇK, tani Limaj drejton edhe subjektin politik, Nisma Social Demokrate e cila në zgjedhjet e fundit nuk kaloi pragun zgjedhor dhe mbeti jashtë përfaqësimit legjislativ.
