Ish-ministrja e Punëve të Jashtme të Kosovës, Meliza Haradinaj-Stublla, ka thënë se Qeveria e Kosovës e mbyllur hermetikisht dhe opozita pa zë, e pa i ide kontributdhënëse janë duke e lënë pa përmbyllje dialogun me Serbinë, përcjell InLajmi.
Haradinaj-Stublla shtuar se qeveria aktuale është duke jetuar me të kaluaren e jo me jetën nreale të qytetarit.
Ajo akuzon edhe opoziten se po heshtë dhe nuk po hecë me hapa konkret.
Postimi i plotë i saj pa ndërhyrje:
KLASA POLITIKE E SË KALUARËS
Zhvillime të mëdha ‘për dhe rreth’ dialogut me Serbinë. Qeveria e mbyllur hermetikisht, ndërsa opozita pa zë, pa rol mbikëqyrës & pa ide kontributdhënëse për përmbyllje eventuale të kësaj çështjeje.
Kjo fatkeqësisht nënkupton që në fushatën e ardhshme zgjedhore do të dominojë përsëri retorika toksike me etiketat ‘tradhëtar’, ‘dezertor’, ‘injorant’, ‘argat i Serbisë’ etj., ndërsa temat qenësore për jetën e qytetarit si arsimi, shëndetësia, ekonomia, mirëqenia sociale etj do të jenë tema tretësore.
Kjo është klasa politike kosovare! /InLajmi/
