Një zjarr i madh shpërtheu në burgun Elvin të Teheranit, ku edhe po mbahen shumë nga të burgosurit politikë dhe me shtetësi të dyfishtë të Iranit, transmeton InLajmi.
Të paktën 8 persona u plagosën në zjarrin e së shtunës, ndërsa protestat mbarëkombëtare për vdekjen e Mahsa Amini, një gruaje 22-vjeçare iraniane hynë në javën e 5-të.
Protestat kanë paraqitur një nga sfidat më serioze për qeverinë iraniane që nga revolucioni i vitit 1979, me demonstrata të përhapura në të gjithë vendin dhe disa njerëz duke mbajtur parulla kundër liderit suprem Ayatollah Ali Khamenei.
Një deklaratë e gjyqësorit iranian tha se një punëtorie burgu u dogj “pas një sherri mes një numri të burgosurish të dënuar për krime financiare dhe vjedhje”. Departamenti i Zjarrfikësve të Teheranit i tha medias shtetërore se shkaku i incidentit ishte nën hetim.
“Rrugët që të çojnë në burgun e Evinit janë mbyllur për qarkullim. Këtu ka shumë ambulanca”, tha një dëshmitar, shkruan Aljazeera.
Rikujtojmë, se Mahsa Amini ishte arrestuar në Teheran nga policia e moralit për shkak të kodit të veshjes. Dyshohet se ajo u rrah për vdekje, çka edhe shkaktoi protesta në tërë vendin. /InLajmi/
