Në emisionin “Përtej Tregimit”, Leotrim Caraku, ka vazhduar rrëfimin e tij duke treguar fillimisht një rrugë që kanë bërë së bashku me familjarët e tij.
“Një natë më herët me 16 prill, në Dobroshevc erdhën forcat serbe e rrethakun Dobroshevcin, tani babi jonë thojke po ju qoj në Poklek që puna me dalë në Drenas për me shku në Shqipëri”, ka thënë ai
Ai ka thënë se kanë udhëtuar natën malit.
“Atë natë, natën malit, jemi shku na, une, nana, baba, 2 vllazni, dhe gruja mixhes, jena shku në Poklek, kemi mrri vonë natën, tani aty baba na ka lanë, babën e kam pasë ushtarë edhe u kthy ai, u kthy në Dobroshevc”, ka thënë ai më tej.
Tutje, ai ka thënë se atë ditë kur ka ndodhur masakra ka qenë duke rënë shumë shi.
“Tash sa më kujtohet mu, aty kemi nejtë, kemi nejtë aty, të nesrit kur u qum me 17 prill qat ditë kur ka ndodhë masakra, atë ditë shumë shi ka pasë, edhe u tubum dojshim me dalë në Drenas”, ka vazhduar ai.
Më tej, ai ka thënë se tek Xhamia, iu është thënë që të mos vazhdojnë tutje.
“Na jena nisë për me shku në Drenas, jena shku deri te Xhamia tani aty e di që janë ardh shkijet edhe kanë folë me dikan edhe kanë thanë që duhet me u kthy, nuk mundeni ju me dalë në Drenas”, ka thënë më tej ai.
