Deputetja Blerta Deliu-Kodra nga radhët e PDK-së dhe Abelard Tahiri shef i grupit parlamentar të PDK-së kanë kërkuar shkarkimin e Ministres Së Tregëtisë she Industrisë Rozeta Hajdari, duke i cilësuar skandale veprimet e saj, raporton InLajmi.
Tahiri për Raportin e Progresit tha se ky raport vlerëson miratimin e një pjese të ligjeve duke përfshirë ligjin për deklaramin e Pasurisë dhe ligjin Anti-Korrupsion, ku sipas tij tregon mungesë të konsiderueshme të progresit në të gjitha fushat nga ana e Qeverisë Kurti.
“Është me rëndësi të theksohet që raporti i progresit vlerëson miratimin e një pjesë të ligjeve, siç është ligji për deklarimin e pasurisë dhe ligji për anti-korrupsion. Ajo çka mund ta përmbledhë me një fjali është që ky raport evidenton mungesën e progresit në të gjitha fushat në Republikës e Kosovës” -tha Tahiri.
Ndërkaq Deliu u shpreh se ka pasur progres të limituar në fusha të ndryshme përshkak të mos angazhimit të qeverisë Kurti.
“Çka vërejmë në këtë raport të fundit, në shumicën e fushave ka pasë progres të limituar, dhe ne nuk kemi parë ritëm të mjaftueshëm nga kjo qeveri të angazhohet për të punuar në secilin sektor, nuk ka asnjë reformë të thellë që raporti e thekson në raportin e fundit”, ka thënë Deliu-Kodra.
