Loja e mirë e Ballkanit këtë herë s’e mundi Sivassporin
Luajtën mjaft mirë, por kjo nuk mjaftoi sikur herën e kaluar.
Ballkani sonte nuk arriti që ta mposht Sivassporin, në “Fadil Vokrri”.
Skuadra turke arriti të dal me pikët të plota nga stadium, pas fitores me rezultat 1:2.
Të parët në epërsi kaluan vendasit me kapitenin Armend Thaqi.
Ky rezultat i çoi skuadrat në pushim.
Por, pas 45 minutave të para, mysafirët arritën të shënojnë dy here.
Hakan Arslan, realizoi për 1:1 pas një goditje me kokë e ndërkaq ishte Karol Angielski, ai i cili ia dha Sivassporit golin e fitores.
Ndeshjen e radhës në “Fadil Vokrri” Ballkani do ta ketë kundër Slavia Pragës, më 27 tetor.
22:37 – Sivasspor shënon sërish ndaj Ballkanit, del në epërsi
Sivasspor ka kaluar në epërsi kundër Ballkanit.
Golin e epërsisë për Turqit e realizoi Karol Angielski, në minutën e 81-të.
22:28 – Sivasspor e barazon rezultatin kundër Ballkanit
Sivasspor e ka barazuar rezultatin në “Fadil Vokrri”.
Për 1:1 shënoi Hakan Arslan.
Arslan realizoi pas një goditje me kokë.
22:00 – Nis pjesa e dytë e ndeshjes Ballkani – Sivasspor
Ka nisur pjesa e dytë e lojës Ballkani – Sivasspor.
Skuadra vendase është në avatazh me rezultat 1:0, me golin e Armend Thaqit.
Loja transmetohet drejtpëdrejt në Klan Kosova.
21:46 – Ballkani shkon në pushim me epërsi
Kampioni i Kosovës Ballkani është në epërsi kundër klubit nga Turqia Sivasspor, me rezultat 1:0.
Golin e epërsisë për skuadrën nga Suhareka e realizoi Armend Thaqi, në minutën e 36-të.
Me fitoren eventuale skuadra e Ilir Dajës, i rrit gjasat për kualifikim të mëtutjeshëm në fazën e eliminimit në UEFA Conference League.
Ballkani – Sivasspor, po transmetohet drejtpëdrejt në Klan Kosova.
21:36 – Armend Thaqi e kalon Ballkanin në epërsi
Ballkani ka kaluar në epërsi kundër Sivasspor.
Golin e epërsisë e ka realizuar kapiteni Armend Thaqi, në minutën e 36-të.
21:00 – Nis ndeshja Ballkani – Sivasspor
Ka nisur në stadiumin “Fadil Vokrri” ndeshja Ballkani -Sivasspor, e vlefshme për xhiron e katërt në UEFA Conference League.
Fitorja eventuale e skuadrës nga Suhareka do të rriste gjasat për kalimin në fazën e eliminimit direkt.
Javën e kaluar skuadra e Ilir Dajës, fitoi në Turqi me rezultat 3:4.
Ballkani – Sivasspor, formacionet zyrtare
Trajneri i Ballkanit Ilir Daja, tashmë e ka publikuar formacionin me të cilin do ta nis ndeshjen kundër Sivassporit.
Skuadra nga Suhareka do ta nis me këtë përbërje: Frashëri, Thaqi, Jashanica, Thaqi, Potoku, Emërllahu, Dellova, Zyba, Krasniqi, Korenica, Rrahmani.
Ndërkaq Sivasspor do ta ketë në fushë këtë 11-she startuese: Vural, Paluli, Osmanpasa,Goutas, Ciftci, Charisis, Yalcin, Sabia, Gradel, Yesilyurt, Yatabare.
Ndeshja në “Fadil Vokrri” do të nis me fillim nga ora 21:00.
Loja do të transmetohet drejtpërdrejt në Klan Kosova.
Ballkani kërkon fitoren kundër Sivassporit
Ballkani sonte do të kërkojë fitoren kundër Sivassporit, në UEFA Conference League.
Ndeshja në “Fadil Vokrri” do të nis nga ora 21:00 dhe transmetohet drejtpërdrejt në Klan Kosova.
Fitorja eventuale e ekipit nga Suhareka do të rriste gjasat për kualifikim në fazën e eliminimit direkt në UECL.
