Ish-ambasadorja, njëherësh nënkryetarja e Partisë Demokratike të Kosovës, Vlora Çitaku, ka reaguar ndaj delkarimit të ministres së Drejtësisë Albulena Haxhiu e cila të mërkurën në një konferencë për media ka kritikuar qeveritë e kaluara për për mashtrimin e qytetarëve për liberalizimin e vizave, përcjell InLajmi.
Për këtë deklaratë, Çitaku i thotë ministres Haxhiu se kontributi i saj i vetëm në procesin e liberalizimit të vizave është gazi lotsjellës në Kuvend.
Për më tepër Çitaku i ka kujtuar ministres së drejtësisë se “Kosova i ka përmbushur të gjitha kriteret vite më parë. Këtë nuk po e them unë por Komisioni Evropian”.
Postimi i plotë i saj:
Me tërë respektin Ministre, kontributi i juaj i vetëm në procesin e liberalizimit të vizave është gazi lotësjellës në Parlamentin e Kosovës.
Kosova i ka përmbushur të gjitha kriteret vite më parë. Këtë nuk po e them unë por Komisioni Evropian.
