Në emisionin “Përtej Tregimit” me Valentina Ahmetin, bashkëshortja e Abedin Rexhës “Sandokani”, Sanije Rexha, ka ndarë rrëfimin e saj me publikun për jetën e saj dhe kujtimet me të, sot në përvjetorin e vrasjes së tij.
Sanjie Rexha ka vazhduar rrëfimin për takimet e para me Abedin Rexhën teksa ka ndarë për të vlerësimet më të larta.
“Për herë të parë jemi takuar si gjimnazist, ishin në Skënderaj të dy dhe aty filluan ato shkëndijat e dashurisë, afërsia jonë, ishte një djalë shumë i qetë i vendosur, ishte përveç figurativisht, një ndër nxënësit më të bukur, kishte edhe atë veçantinë e vet që ishte shumë i afërt”, ka shtuar ajo.
Tutje, e ka përshkruar Rexhën si një djalë të pashëm dhe nxënës të shkëlqyer.
“Ishte një djalë i pashëm shumë, përveç bukurisë që e mbante ishte edhe i vendosur, ishte një nxënës i shkëlqyer”, ka vazhduar.
Sanije Rexha ka treguar edhe për përkrahjen familjare për martesën me Rexhën.
“Unë kam qenë me një vëlla binjak dhe ishim me një klasë me të dhe ai e patë vrejtë që e kam edhe një vëlla që është hero i kombit, Nuhiu, ishte një vit para neve dhe ai e ka vrejtë që është diçka po lind mes nesh, kështu që të dytë kanë qenë pro Abedinit”, ka thënë ajo.
Tutje, jetën me të e ka vlerësuar si një parajsë dhe ka thënë se ka pasur shumë kujtime të bukura.
“Kam shumë kujtime të bukur, ka qenë si një kopsht, parajsën se kam përjetu por për mua jeta me Abedinin ka qenë parajsa po mos ta përjetojë edhe në botën tjetër, unë e kam përjetu një parajsë”, ka vazhduar rrëfimin.
