Presidenti i Asamblesë Parlamentare të NATO-s, Gerald Connolly, në seminarin e 102-të Rose-Roth të Asamblesë Parlamentare të NATO-s, u ka bërë thirrje kombeve demokratike për të luftuar krimin që po e bën Rusia, raporton InLajmi.
Connolly tha se shtetet e Ballkanit Perëndimor dhe shtetet euroatlantike duhet të punojnë bashkë për të tejkaluar sfidat e rajonit dhe të pengojnë destabilizimin nga fuqitë jodemokratike, siç janë Rusia dhe Kina.
Me këtë agresion Rusia dëshiron që të shkatërrojë demokracinë në Ukrainë dhe ta bëjë këtë edhe kudo. Shtetet tona duhet të qëndrojnë me njëra-tjetrën me të gjitha kombet demokratike për të luftuar këtë krim që po e bën Rusia ndaj demokracive të tjera… Siguria jonë është e ndërlidhur ngushtë për këtë Ballkani Perëndimor dhe shtete euroatlantike duhet të punojnë bashkë për të tejkaluar sfidat e rajonit dhe të pengojnë destabilizimin nga fuqitë jodemokratike siç janë Rusia dhe Kina. /InLajmi/
