Mefushori bëri 30 paraqitje në sezonin e tij të vetëm të plotë nën urdhrat e Koeman (2020/21), megjithëse në shumicën prej tyre hyri si zëvendësues.
Pastaj, në sezonin 2021/22, Pjanic u huazua te Besiktasi. Në shtator të këtij viti, ai nënshkroi me klubin arab, Sharjah FC.
“Isha shumë i befasuar në stërvitjen me Koeman. Nuk kishte intensitet, taktika, ide. Ne nuk u përgatitëm për ndeshjet”, tha Pjanic për “Cadena Ser”.
Koeman u shkarkua tetorin e kaluar dhe u zëvendësua nga legjenda e klubit, Xavi Hernandez. Pjanic punoi vetëm për një kohë të shkurtër me Xavin këtë verë, por tha se mënyra e trajnimit u përmirësua dukshëm pas ardhjes së tij.
“Përgatitja dhe stërvitja ishte e mirë me Xavin, ngjashëm me atë që isha mësuar në Juventus, për shembull, ku fituam gjithçka”, shtoi 32-vjeçari, transmeton Gazeta Express.
“Tani seancat te Barca kanë shumë intensitet. Xavi dhe stafi i tij ishin shumë të qartë me ne në fillim të sezonit. Ata na thanë këtë vit se duhet të vrapojmë dhe të bëjmë 2000 milje në orë. Çdo ditë është si një lojë në stërvitje në Barcelonë tani, sepse ka shumë cilësi në skuadër dhe shumë intensitet”, deklaroi Pjanic.
