Ministri i Energjisë i Ukrainës, Herman Halushchenko përsëriti paralajmërimet se një katastrofë në termocentralin bërthamor të Zaporizhzhia mund të jetë në horizont pasi ai u shkëput sërish nga rrjeti kryesor i Ukrainës të shtunën, transmeton InLajmi.
“Tani vetëm profesionalizmi i punëtorëve bërthamorë ukrainas është një fitil kundër një aksidenti të mundshëm bërthamor,” shkroi Halushchenko.
Ndryshe, granatimet intensive pranë objektit këtë verë nxitën shqetësimet për një aksident bërthamor, duke bërë që Agjencia Ndërkombëtare e Energjisë Atomike të dërgojë një ekip atje.
Sipas autoriteteve ukrainase, centrali është shkëputur nga rrjeti elektrik i Ukrainës në disa raste gjatë muajve të fundit për shkak të granatimeve, shkruan CNN.
Fabrika ndodhet në pjesën e pushtuar nga Rusia të rajonit të Zaporizhzhia dhe është më e madhja në Evropë. Ajo është mbajtur nga forcat ruse për më shumë se shtatë muaj, por operohet nga stafi i saj ukrainas. /InLajmi/
