Lazanja është një ndër ato gatime që shumë lehtë mund të fitojë zemrës e të gjithë atyre që e provojnë.

Përbërësit
1 kuti me makarona për lazanja
50 gr djathë kaçkavall i grirë
450 gr salcë domatesh
1 kg spinaq
750 gr gjizë pa kripë
1 qepë e madhe
3 thelbi hurdhër
1 vezë e madhe
kripë,piper i zi,rigon
vaj ulliri.

Udhëzimet
Për të nisur me përgatitjen e kësaj recete nxeheni furrën në temperaturën 180 gradë C.
Ndërkohë vini në zjarr një tenxhere të mbushur me ujë dhe kripë dhe kur uji të fillojë të ziejë, fusni petët e lazanjas dhe lërini për disa minuta.
Veproni njësoj si me zierjen e makaronave normale, por mos i lini petët të zbuten plotësisht.
Më pas nxirrini nga uji thajini pak, duke i vendosur në një letër dhe vazhdoni me përgatitjen.
Hiqni tenxheren dhe vendosni në zjarr një tigan duke i shtuar dhe pak vaj ulliri.
Më pas shtoni qepën e grirë hollë, hurdhrën e grirë, pak kripë, piper të zi të bluar dhe rigon.
Përzieni mirë dhe më pas shtoni spinaqin e pastruar mirë dhe të prerë në fije të holla.
Lëreni tiganin në zjarr mesatar, duke përzier përbërësit herë pas here, ndërkohë në një enë të thellë hidhni të gjithë gjizën pa kripë.

Po aty shtoni vezën dhe djathin kaçkavall të grirë, me pak kripë dhe piper.
Kur spinaqi të jetë gati hiqeni nga zjarri dhe lëreni mënjanë.
Ndërkohë zgjidhni një tavë mesatare pjekje dhe shtroni 4-5 petët e para të lazanjas, duke i mbivendosur pak tek njëra tjetra.
Shtoni sipër tyre 1-2 lugë gjelle me salcë domatesh e më pas një shtresë me spinaq dhe një shtresë me gjizë.
Bëni kujdes që këto shtresa të jenë të gjitha të përhapura në mënyrë të barabartë nëpër të gjithë petët tuaja të lazanjave.

Më pas vendosni sërish një shtresë me petë për lazanja rreth 4-5 prej tyre, hidhni pak salcë domatesh, spinaq dhe gjizë.
Bëjeni këtë derisa të mbarojnë të gjithë petët e makaronave dhe përbërësit e tjerë.
Në fund spërkateni me pak salcë sipër dëshirës dhe pak djathë kaçkavall të grirë.
Mbulojeni tavën me letër pjekje ,në mënyrë që të krijojë një hapësirë hermetike në tavë dhe aromat të mos dalin jashtë.

Futeni tavën tuaj të piqet në temperaturë 180 gradë për rreth 45 minuta.
Më pas hiqni letrën që vendosët sipër dhe lëreni të piqet edhe për 15 minuta të tjera, shkruan receta kuzhine.
Kur të jetë pjekur dhe salca të jetë mpiksur mirë lart, hiqeni nga furra dhe lëreni të ftohet për 10 minuta,më pas mund ta prisni dhe ta shërbeni sipas dëshirës tuaj.