Shefi i policisë në Java-n lindore, Afinta tha se përleshjet mes grupeve të tifozëve menjëherë pas përfundimit të ndeshjes në orët e natës shkaktoi që policia të përdor gaz lotsjellës dhe gazi i lëshuar çoi tifozët në panik
Në Indonezi 174 persona humbën jetën gjatë trazirave që ndodhën si pasojë e përdorimit të gazit lotsjellës nga policia për të ndalur përleshjet gjatë një ndeshjeje futbolli
Shumë përleshje u shënuan mes dy ekipeve rivale, pas ndeshjes së ligës ku ekipi Persebaya Surabaya fitoi 3-2 kundër Arema Malang në stadiumin “Kanjuruhan” në qytetin Malang në rajonin e Java-s lindore.
Qindra tifozë vrapuan drejt derës dalëse për t’u mbrojtur nga gazi lotsjellës që përdori policia për të ndërhyrë ndaj përleshjes.
Në kaosin e madh ka pasur njerëz që janë shtypur dhe janë mbytur pasi kanë mbetur pa frymë. Në ngjarjet e shënuara në stadium humbën jetën 129 persona.
Shefi i policisë në Java-n lindore, Nico Afinta në një deklaratë tha se përleshjet mes grupeve të tifozëve menjëherë pas përfundimit të ndeshjes në orët e natës shkaktoi që policia të përdor gaz lotsjellës dhe gazi i lëshuar çoi tifozët në panik.
Më tej Afinta njoftoi se mbi 300 persona janë dërguar për trajtim në spitalet përreth, por shumica e tyre kanë humbur jetën rrugës ose gjatë trajtimit, transmeton Anadolu Agency (AA).
Duke vënë në dukje se në mesin e 180 personave të plagosur ka nga ata që janë në gjendje të rëndë, Afinta deklaroi se numri i të vdekurve mund të rritet.
