Ministria e Arsimit, Shkencës, Teknologjisë dhe Inovacionit njofton se të hënën fillon në të gjitha nivelet e arsimit parauniversitar, përcjell InLajmi.
MASHTI tha se kishin bërë përgatitje që viti i ri shkollor të fillojë më një shtator por që nuk u realizua për shkak të grevës nga SBASHK-u.
Gjithashtu, MASHTI njofton se janë shpërndarë të gjitha tekstet në komuna e shkolla sipas kërkesave të Drejtorive Komunale të Arsimit.
Njoftimi i plotë nga Ministria e Arsimit, Shkencës, Teknologjisë dhe Inovacionit:
Ministria e Arsimit, Shkencës, Teknologjisë dhe Inovacionit (MASHTI) njofton të gjithë nxënësit, mësimdhënësit dhe prindërit se nesër, (e hënë, 3 tetor 2022), fillon mësimi
MASHTI i kishte bërë përgatitjet e duhura që viti i ri shkollor të fillonte me 1 shtator kur zyrtarisht duhej të fillonte mësimi, por që kjo nuk u realizua për shkak të grevës së organizuar nga SBASHK.
Të hënën, MASHTI do të formojë grupin punues për të rishikuar Udhëzimin Administrativ për Kalendarin e vitit shkollor dhe në bazë të tij do të bëhen edhe riplanifikimet në shkolla.
Drejtoritë Komunale të Arsimit do të sigurohen për mbarëvajtjen e procesit mësimor.
Ministria e Arsimit fton për bashkëpunim dhe mobilizim të të gjithëve pa dallim për të plotësuar humbjet e shkaktuara gjatë grevës.
Gjithashtu, MASHTI njofton se janë shpërndarë të gjitha tekstet në komuna e shkolla sipas kërkesave të Drejtorive Komunale të Arsimit. Teksti i Gjuhës shqipe, klasa e 5-të, tekst i ri i hartuar këtë vit, do të dërgohet brenda kësaj jave në shkolla.
Ministria e Arsimit uron të gjithë nxënësit dhe mësimdhënësit për vitin e ri shkollor. /InLajmi/
