Kompania komerciale e raketave me bazë në Teksas, Firefly, lëshoi në hapësirë një raketë të premten, rreth një vit pasi një përpjekje e ngjashme përfundoi në shpërthim.
Kompania njoftoi në Twitter se misioni kishte qenë “100% sukses”. Raketa Alpha u nis në orën 12:01, me orën lokale, nga Baza e Forcave Hapësinore Vandenberg në Kaliforni.
CNN shkruan se fillimisht ishte caktuar të lëshohej më 11 Shtator, por kjo u anulua sepse presioni i heliumit i raketës ra. Kjo ishte raketa e dytë pa pilot e lëshuar në hapësirë nga kompania në Vandenberg.
Në Shtator 2021, raketa u duk se kishte një ngritje të qetë, por më pas nuk funksionoi. Zyrtarët e Forcave Hapësinore të SHBA-së urdhëruan kompaninë të shkatërronte raketën në ajër për të parandaluar dëmtimin e njerëzve apo pronave. Nga ngjarja nuk pati të dëmtuar, transmeton Klan tv.
Firefly dhe kompani të tjera komerciale të raketave po përpiqen ta bëjnë hapësirën një vend konkurrues të biznesit, duke i hequr ekskluzivitetin qeverive.
