Deputetja e Kuvendit të Kosovës nga radhët e LDK-së, Hykmete Bajrami, ka reaguar lidhur me gjetjen e 2 vajzave në Pejë, duke u bërë thirrje Institucioneve përkatëse që të qëndrojnë afër vtyre që t’i rikthehen jetës normale, përcjell InLajmi.
Bajrami tha se janë të dënueshme me burg fyerjet dhe shpifjet ndaj 2 vajzave të shtetit tonë.
Gjithashtu ajo u shpreh se 2 vajzat dhe familjarët e tyre kanë nevojë për përkrahjen nga të gjithë ne.
Postimi i plotë i saj:
Lajm i mirë gjetja e 2 vajzave në Pejë, institucionet të jenë afër tyre
Gjetja e 2 vajzave, që u raportua se ishin zhdukur para një jave në Pejë, është lajm i mirë për gjithë vendin. Institucionet përkatëse duhet të jenë afër 2 vajzave që t’i rikthehen jetës së tyre normale.
Është e dënueshme me burg linçimi, nxitja e urrejtjes sikurse janë të ndaluara fyerjet dhe shpifjet ndaj 2 vajzave të shtetit tonë.
Në këto momente, 2 vajzat dhe familjet e tyre kanë nevojë për përkrahjen dhe solidarizimin tonë. /InLajmi/
