Kryetari i Partisë Demokratike të Kosovës, Memli Krasniqi, në seancën plenare të Kuvendit të Kosovës, ka replikuar ndaj Ministres së Arsimit Arbërie Nagavcit duke i thënë se duhet të ofrojë një zgjidhje që fëmijët të shkojnë në shkollë, raporton InLajmi.
Krasniqi tha se Ngavci duhet të jap dorëheqje pasi i ka mbyllur në shtëpi 320 mijë fëmijë, ose të bëjë një zgjidhje.
“Ju po bëni thirrje që mësimi të filloj. Por ju jeni në Qeveri për të bërë zgjidhje, jo thirrje. Ju duhet të jepni dorëheqje që i keni mbyllur në shtëpi 320 mijë fëmijë. Çohuni e bëni zgjidhje. A jeni duke jetuar në ndonjë ballon ndaras nga shoqëria. Po janë 28 mijë punëtorë të arsimit, shumica mësimdhënës, ata po thonë që po jetojnë keq. E ju po flisni si ua keni rregulluar kushtet. Ofroni zgjidhje e leni thirrjet. Dita do me ju shku duke ndejt”, ka përfunduar Krasniqi”, ka thënë Krasniqi. /InLajmi/
