Në magjistralen Prishtinë-Pejë më saktësisht në fshatin Koreticë të enjten kanë ndodhur 4 aksidente trafiku, ku në njërin prej aksidenteve kanë mbetur 4 persona të lënduar, të cilët edhe kanë pranuar tretman mjekësor, përcjell InLajmi.
Ndërsa në 3 aksidente të tjera nuk ka pasur persona të lënduar, këtë e bëri të ditur për InLajmin zëdhënësi i policisë së përgjithshme Baki Kelani.
Kelani tha se Policia Kosovës është duke hetuar rastin e këtyre aksidenteve.
“Në ora13:00, policia është njoftuar për një aksident trafiku mes 2 kamionëve të ndodhur në rrugën nacionale Prishtinë-Pejë (fshati Koreticë). Në këtë aksident nuk ka persona të lënduar. Kurse, në afërsi kanë ndodhur edhe 3 aksidente tjera. Në njërin nga aksidentet, 4 persona kanë kërkuar ndihmë mjekësore. Policia është marrë me këto raste”, tha Baki Kelani. /InLajmi/
