Drejtoria e Inspekcionit e Komunës së Prishtinës ka njoftuar se është bërë pastrimi dhe mbyllja e hapësirave të objektit në afërsi të Tregurt të Prishtinës, të cilat sipas inspektorëve ishin të stërmbushura me mbeturina, përcjell InLajmi.
Sipas njoftimit të kësaj drejtorie i gjithë ky pastrim i cili pasoj edhe me mbyllje të këtyre depove është bërë për mbrojtjen e shëndetit të qytetarëve sepse ato hapësira janë shfrytëzuar edhe për vendosjen e mallërave ushqimore të shitësve ambulant.
Njoftimi i plotë nga Drejtoria e Inspekcionit – Komuna e Prishtinës:
Sot Drejtoria e Inspekcionit përmes kompanisë së kontraktuar nga Komuna e Prishtinës ka bërë pastrimin dhe mbylljen e hapësirave të objektit në afërsi të Tregut të kryeqytetit të cilat ishin të stërmbushura me mbeturina por të cilat shfrytëzoheshin njëkohësisht edhe si depo e mallërave (produkteve ushqimore) të shitësve ambulant me çka rrezikohej seriozisht shëndeti i qytetarëve të kryeqytetit, përcjell InLajmi.
Gjithashtu, Drejtoria e Inspekcionit, duke e konsideruar si emergjente ka ndërhyrë dhe ka pastruar edhe hapësirat (rrugët) e liruara nga shitësit ambulant kohë më parë në afërsi të Tregut ku edhe ka pasur disa devijime ndërkohë e të cilat kanë ndodhur kryesisht për shkak të grevës e cila po vazhdon.
Drejtoria e Inspekcionit, përkitazi me aksionet e zhvilluara, kërkon mirëkuptimin dhe bashkëpunimin e të gjithë qytetarëve të kryeqytetit por edhe të shitësve të cilët janë udhëzuar me kohë që të bëjnë zgjidhje duke u sistemuar në hapësirat brenda. /InLajmi/
