Korporata Energjetike e Kosovës, ka njoftuar se njësia A-3 është ndaluar si pasojë e mbrojtës në ndërprerësin e gjeneratorit, përcjell InLajmi.
Sipas KEK-ut, ekipet janë duke punuar për të mundësuar rikthimin e sigurt të njësisë në kohë optimale.
Gjithashtu thuhet se Korporata Energjetike e Kosovës ka marrë masa të nevojshme për mbulimin e mungesës së energjisë elektrike tek qytetarët.
Njoftimi i plotë nga Korporata Energjetike e Kosovës:
Korporata Energjetike e Kosovës njofton se dje me datë 25.09.2022, njësia A3 është ndalur si pasojë veprimit të mbrojtjes në ndërpresin e gjeneratorit.
Në këtë drejtim ekipet profesionale të KEK-ut dhe KOSTT-it janë duke punuar në identifikimin e burimit që ka shkaktuar veprimin e kësaj mbrojtje dhe për të mundësuar rikthimin e sigurt të njësisë në punë në kohë optimale.
Lidhur me këtë, KEK ka ndërmarrë të gjitha masat e nevojshme për mbulimin e mungesave të paraqitura si pasojë e daljes së njësisë A3, në mënyrë që kjo ndalje të mos reflektojë në mungesë të energjisë për qytetarët e vendit.
Lidhur me veprimet e KEK-ut për ditët vijuese do të njoftoheni me kohë. /InLajmi/
