Trajneri Edi Reja duket pothuajse i dorëzuar në përfundim të ndeshjes së humbur nga Kombëtarja me Izraelin.
“Në të gjithë garat e luajtura kemi bërë vetëm një gol me Seferin në Islandë, prandaj mendova të pasuroj pak mesfushën, por kemi vuajtur shumë në pjesën e parë, ata ishin më të fortë fizikisht. Abrashi dhe Laçi kanë vrapuar shumë por nuk mundeshin më shumë”, deklaroi Reja.
“Ndoshta në miqësore do të provojmë edhe sisteme të tjera, por duhet të dimë që kishim përballë një ekip në formë. Rezultatin e kishim barazuar, pastaj për disa budallallëqe që po na ndodhim shpesh e kemi humbur edhe sot. Nuk mund të pranohen këto gabime. Një pikë do të sillte me entuziazëm, sepse kemi punuar fort, por ndonjëherë duhet përdorur edhe koka”, shtoi trajneri italian.
Uzuni nuk mjafton, mbrojtja gabon, Izraeli na ndëshkon dhe fiton grupi, shkruan A2CNN
Për s ai përket rasteve të shumta të shpërdoruara nga Broja, Reja theksoi se “disa herë gjerat shkojnë mirë disa herë jo, e qortoj vetëm për aksionin e parë, se duhet t’ia kishte dhënë Cikalleshit, kur ai merr topin është i frikshëm por duhet të jetë më pak individualist”.
