Deputetja e Partisë Demokratike të Kosovës, Eliza Hoxha, ka thënë se sesioni vjeshtor në Kuvendin e Kosovës duhet të filloj me debatin për grevën në arsim, për ta gjetur një zgjidhje, raporton InLajmi.
Hoxha tha se SBASHK-u dhe Qeveria duhet të përafrojnë qëndrimet dhe të gjejnë një zgjidhje që ti japin një fund kësaj greve ku 300 mijë fëmijë duhet të kthehen në shkolla.
“Sesioni vjeshtor i ynë këtu në Kuvend filloi pikërisht me debatin për grevën për 2 javë radhazi për të gjetur zgjidhje por që as rezoluta e këtij debati e cila thërret qeverinë e Kosovës dhe SBASHK-un që të gjejnë një zgjidhje që greva të mbyllet, t’i përafrojnë qëndrimet, t’i japin përfundim kësaj sage e mbi të gjitha mbi 300 mijë fëmijë të kthehen në banka shkollore”, tha Hoxha.
Deputetja e PDK-së i ftojë kryeministrin Albin Kurti, ministrin e Financave Hekuran Murati dhe ministren e Arsimit Arbërie Nagavci që të ulen me urgjencë këtë javë dhe të gjejnë një zgjidhje që fëmijët të i’a fillojnë mësimit të hënën.
“Njëkohësisht krejt çka kemi parë deri sot nga kjo qeveri është në përkëmbje e vazhdueshme e dinjitetit të mësimdhënësit. Përbuzje, ofendime, përçarje dhe pikërisht kjo lloj gjuhe, kjo lloj qasjeje nuk mund të jetë në funksion të gjetjes së zgjidhjes andaj sot nga këtu e ftoj kryeministrin e Kosovës Kurtin, ministrin e Arsimit Nagavci, ministrin e Financave, Murati, që të ulen me urgjencë gjatë javës, që ta gjejnë një zgjidhje që mësimi të fillojë të hënën që fëmijët e Kosovës të hënën të jenë në bankat shkollore”, tha ajo. /InLajmi/
