Universiteti i Prishtinës “Hasan Prishtina” në një ceremonisolemne të enjten, për kontributin e dhënë në fushën e sportit duke e promovuar kështu Kosovën në arenën ndërkombëtare ka ndarë titullin “Doctor Honoris Causa” për trajnerin dhe selektorin e përfaqësueses së Kosovës në xhudo, Driton Kukën, raporton InLajmi.
Me këtë rast, fjalë miradie për trajnerin e xhudos ka folur në fjalën e tij të rastit , Rektori i Universiteti i Prishtinës Naser Sahiti, i cili tha se tha se selektori i përfaqësueses së xhudos, trajneri Kuka me punën e tij e ka lartësuar dhe forcuar shtetësinë duke i treguar botës se rinia është fuqia dhe e ardhmja e ndritur e Kosovës.
“Jam lumtur t’i uroj mirëseardhje Driton Kukës, i cili me punën e tij ka lartësuar vendit tonë kudo në botë. Si Universitet me traditë sot po shënojmë ceremoninë e doktoratës së nderit të 21 me radhë, në shekullin 21 i cili i mbahet për, Driton Kuka, trajner dhe selektor i Përfaqësuese së Kosovës në xhudo, i cili për me shumë se një dekadë ka dhënë një kontribut të jashtëzakonshëm më fushën e sportit”, tha Sahiti.
“Figura e tij është pikë referimi për shumë të rijnë. Kuka së bashku me medalistët që ka përgatitur ka thyer shumë barriera dhe i ka treguar botës se në vendin tonë të Kosovës shihet pasuria më e madhe rinia jonë e talentuar”, tha Sahiti.
Profesori universitar Hasim Rushiti, tha se kontributi i trajnerit Kuka në fushën e sportit në arenën ndërkombëtare është i jashtëzakonshëm.
“Kontributi i trajnerit Kuka në fushën e sportit si dhe në njohjen dhe afirmimin e Kosovës në arenën ndërkombëtare është e jashtëzakonshme. Rrugëtimin e punës së tij të palodhshme profesionale e kurorëzoi me arritjet e rezultateve në nivelet më të larta botërore”, tha Rushiti.
Trajneri i xhudos Driton Kuka, i cili u nderuar me këtë çmim, nuk fshehë emocionet për nderin e sotëm, ndërsa për arritjet e tij falenderon të gjithë me theks familjen e tij.
“Edhe njëherë jam mirënjohës dhe falënderues që sot nga tempulli i dijës nga UP-ja po nderona me titullin ‘Doctor Honoris Causa’, faleminderit Fakultetit Sportiv. Faleminderit për fjalët e mira që u thanë këtu”, tha Kuka./InLajmi/
