Roger Federer thotë se vendimi i tij për t’u tërhequr nga tenisi, erdhi pasi ai ndaloi së besuari se mund të vazhdonte të luante për shkak të lëndimeve.
20 herë kampioni i Grand Slam- it do tërhiqet nga sporti pas Laver Cup të kësaj fundjave në Londër.
Zvicerani 41-vjeçar nuk ka luajtur prej turnit të Wimbledon në vitin 2021, pas iu nënshtrua një operacioni në gju për herë të 3-të.
“3 vitet e fundit kanë qenë të vështira. E dija se nuk ndihesha në formë që kur luajta në Wimbledon. Unë u përpoqa të kthehesha, por kishte një kufi për atë që mund të bëja. Dhe unë pushova së besuari në të, për të qenë i sinqertë”, u shpreh ai, shkruan BBC Sport.
Biletat për ndeshjen e fundit të Roger Federer në Laver Cup arritën një çmim prej 68 mijë eurosh, shkruan euronews.al.
Këto janë biletat më të mira dhe më të shtrenjta dhe ato më të lirat kushtojnë aktualisht 2400 euro.
