Deputetja e Lidhjes Demokratike të Kosovës, Hykemet Bajrami, tha se Qeveria e Kosovës nuk ka marrë dje vendim të ri për subvencionim të ri, por vendimi i së mërkurës ka qenë brenda ndarjes 90 milionë euro të energjisë që janë ndarë në fillim të vitit, përcjell InLajmi.
Bajrami, është shprehur se u bë lajm ndarja e 19 milionëve për subvencionimin e energjisë për konsumatorët, ndërsa qeveria nuk ka ndarë asnjë cent më shumë vetëm se ka bërë alokimin e mjeteve të 90 milionshit të ndarë në fillim vit.
Për më tepër, ish ministrja e ekonomisë ka theksuar se nga mjetet e 90 milionshit , 41 milion i janë ndarë KOST-it për energjinë e shpenzuar në komunat veriore, dhe 19 milion euro të martën në mbledhjen e qeverisë.
Prandaj, ka shtuar Bajrami se kryeministri Kurti ka kohë për të marrë 2 herë të njëjtin vendim, ndërsa deputetja e përmbyllë shkrimin e saj me një thënie popullore ”kush ka nge, shtin rruza në pe”.
Postimi i plotë i saj:
Një thënie popullore thotë: ”kush ka nge, shtin rruza në pe”
Kurti ka kohë me marrë dy herë të njëjtin vendim dhe dy herë me bë lajm
318 mijë fëmijë jashtë bankave shkollore. Kjo është humbje e madhe, kjo është katastrofë, për një shtet që në PISA renditet kah fundi. Një Qeveri normale nuk ish dashtë me u marrë me asgjë tjetër derisa t’i kthej nxënësit në shkolla e fëmijët në qerdhe. Por, Qeveria Kurti ka zgjedhur të tallet me qytetarët; dje në mbledhjen e 97-të të Qeverisë, Kurti tha se i ndava 19 milionë euro për subvencionim të energjisë.
Të nderuar qytetarë,
Të martën Qeveria nuk e ka ndarë asnjë cent shtesë për energjinë. Qeveria dje thjeshtë ka bë alokim të mjeteve të 90 milionishit që e ka ndarë në fillim të këtij viti, konkretisht në mbledhjen e 60-të të Qeverisë, e cila u mbajt me datë 5 shkurt 2022, online. Dy ditë me pas ZRRE ka nxjerrë vendimin për tarifat e reja me rritje: 85% për tarifën e lartë dhe 104% për tarifën e ulët.
Nga mjetet e 90 milionisht deri me tani janë ndarë 41 milionë euro KOSTT-it për energjinë e shpenzuar në katër komunat veriore edhe 19 milionë euro dje. Të gjitha këto mjete janë për energjinë që tanimë është shpenzuar dhe e kanë efektin zero në situatën në të cilën gjendemi. /InLajmi/
