Eksportet e Kosovës drejt Shqipërisë kanë kapur vlerën e 10.5 miliardë lekëve 89.8 milionë euro në periudhën janar-gusht, duke u rritur me gati 40% në krahasim me të njëjtën periudhë vitin e kaluar.
Kosova ka eksportuar 45% më shumë mallra drejt Shqipërisë edhe në muajin gusht duke kapur vlerën 1.4 miliardë lekë 12 milionë euro, sipas të dhënave të institutit kombëtar të statistikave në Shqipëri INSTAT të përpunuara nga Telegrafi Shqipëri.
Në anën tjetër, Shqipëria ka shënuar gjithashtu një rritje të eksporteve me Kosovën në periudhën janar-gusht të këtij viti. Shqipëria ka eksportuar në Kosovë mallra me vlerë prej 25 miliardë lekësh 214 milionë euro, krahasuar me 23.6 miliardë lekë 202 milionë euro të së njëjtës periudhë të një viti më parë.
Ndërkohë në muajin gusht, Shqipëria ka një rënie të eksporteve me 9.2% më Kosovën krahasuar me gushtin e një vit më parë.
Në muajin gusht 2022, vendet me të cilët Shqipëria ka pasur rritje më të madhe të eksporteve, në krahasim me gushtin 2021 janë: Italia 29.0%, Spanja 411.2% dhe Gjermania 43.1%. Ndërsa vendet me të cilat eksportet kanë pasur uljen më të madhe, përveç Kosovës, janë edhe Maqedonia 5.9% dhe Kina 86.8%.
Gjatë këtij tetëmujori vendet me të cilët Shqipëria ka pasur rritje më të madhe të eksporteve, në krahasim me një vit më parë, përveç Kosovës me 6% janë edhe Italia 49.1% dhe Gjermania 75.0%.
Ndërsa vendi me të cilin eksportet kanë pasur uljen më të madhe, është: Spanja 17.7%, shkruan Telegrafi.
Gjatë këtij tetëmujori vendet me të cilat Shqipëria ka pasur rritje më të madhe të importeve, në krahasim me një vit më parë, përveç Kosovës me 39.85% janë edhe Italia 10.8%, Turqia 34.6% dhe Greqia 33.8. Ndërsa vendet me të cilat importet kanë pasur uljen më të madhe janë: SHBA 16.2%, Rusia 18.1dhe Zvicra13.7.
