Boksierja Donjeta Sadiku në çerekfinale të turneut ndërkombëtar “Balkan”Sofia mundi bindshëm boksieren me përvojë ish kampionen evropiane nga Franca, Hamadouche Maiva.
Medalistja botërore Sadiku nuk lejoi befasi dhe qysh nga raundi i parë filloi te boksojë në mënyrë taktike duke goditur kundërshtaren e cila gjatë 3 raundeve sulmoi Donjetën, por ajo në mënyrë profesionale iu shmang goditjeve te boksieres franceze, në fund te duelit Donjeta unanimisht shpallet fituese, transmeton Klan Kosova.
Sadiku të mërkurën në gjysmëfinale përballet me boksieren nga Zvicra Milisic Ana.
