Anëtari i Lidhjes Demokratike të Kosovës, Anton Berisha, ka marrë guximin të flasë për pozicionin e ri të LDK-së nga opozita në partinë e parë në vend i emocionuar nga sondazhet e UBO Consulting, ku LDK-ja, paraqitet me trend të rritjes si parti opozitare, ndërkohë që Vetëvendosje si partia e parë humbë mbështetjen qytetare, përcjell InLajmi.
Ndërsa paraqet përqindjen e rritjes së LDK-së Berisha thotë se “LDK sot 22.3 % partia e parë opozitare, nesër e para në vend”
Heqja dorë nga mbështetja e LVV-së dhe Listës Guxo, sipas Berishës është pasojë e keqqeverisjes së Kurtit dhe dështimin edhe të presidentes Osmani me projektet e tyre politike populliste.
Sipas Berishës të 2 këto dështime kanë bërë që votuesit e Kosovës të heqin dorë nga mbështetja e siç i quan ai popullistëve, oportunistëve dhe të personave të papërgjegjshëm kundruall nevojave qytetare.
Ai bazuar në sondazhin në fjalë, thotë se besimi qytetar në rritje për LDK-në duhet të jetë shtytje të jetë vepruese, interaktive për të dëshmuar kështu se LDK-ja është e vetmja alternative politike në momentumin që gjendet Kosova.
Postimi i plotë i tij:
LDK, SOT E PARA NË OPOZITË, NESËR E PARA NË VEND
Sipas një sondazhi të UBO Consulting të publikuar nga Nacionale, Lidhja Demokratike e Kosovës është partia e parë opozitare me 22.3%.
Në anën tjetër, në raport me VV e cila ka një vazhdimësi rënie trendi në LDK është vazhdimësi rritjeje.
Dështimi i qeverisjes së VV në krye me Kurtin dhe dështimi i presidentes Osmani me projektin politik Guxo e kanë racionalizuar votuesin kosovar për të hequr dorë prej përkrahjes së populistëve që në pushtet u treguan oportunistë dhe jokompetentë për t’u marrë me tema serioze shtetërore dhe të papërgjeshëm në raport me nevojat e qytetarëve
Besimi në rritje për LDK-në duhet të jetë shtytje për lidershipin që të jetë edhe më veprues në struktura dhe në interaktivitet me qytetarët për t’i bindur se qasja serioze dhe reale e LDK-së është e vetmja zgjidhje politike për shtetin në këtë periudhë përcaktuese për Kosovën dhe rajonin.
Do të ishte e pafalshme që ne të mos mobilizohemi për të dalë partia e parë ngase vendi ka nevojë që gjysëmanarkinë e gjysëmkaosin që ka krijuar VV në më pak se 2 vite pushtet ta largojmë nga institucionet për ta kthyer qeverisjen në shtratin institucional, ligjor e demokratik si dhe klimën ekstreme polarizuese në shoqëri ta vëmë në binarët e normalitetit. /InLajmi/
