Nuk ndalet momenti i artë i Erling Haaland, autor i 11 golave në 7 ndeshje të Premier League, që bëhen 14 gola në 9 ndeshje duke përfshirë 2 sfidat e Ligës së Kampionëve kundër Seviljës dhe Borusia Dortmund.
Sulmuesi norvegjez me paraqitjet e tij të jashtëzakonshme ka më shumë gola se 13 skuadra në ligën angleze, përfshirë Man. Junajted dhe Çellsi me 8 gola në total.
Norvegjezi po kalon edhe Kristiano Ronaldon dhe Messin në vitet e para të karrierës, duke thyer së fundi edhe rekordet e tyre. Edhe pse tre lojtarët në fjalë kanë pozicione të ndryshme në fushë, ka një statistikë që lejon një krahasim të drejtë: ajo e përqindjes së suksesit në goditjet në portë.
Kristiano Ronaldo në sezonin e tij më të mirë, mes La Liga me 48 gola dhe Ligës së Kampionëve me 10 gola, arriti në total 58 gola me 295 goditje, ose një përqindje prej 19% ose një gol çdo 5 goditje.
Në sezonin e tij më të mirë, Mesi shënoi 53 gola me 43 në La Liga dhe 10 në Champions. Këto, falë 237 goditjeve, pra një shkallë suksesi 22% apo një gol çdo 4.5 goditje.
Statistikat e Haaland e tejkalojnë shumë portugezin dhe argjentinasin. Atij iu nevojitën vetëm 37 goditje për të shënuar 14 golat, me një shkallë suksesi 38% ose një gol për çdo 2.6 goditje në portë, shkruan Alsat Mk.
Jo vetëm kaq, norvegjezi fiton edhe në statistikat e golave të shënuar në 6.000 minutat e para të karrierës së tij. Ronaldo ka arritur në 17, Messi në 40, Haaland i ka kaluar në masë të madhe me 73 gola.
