Është bërë fenomen në rrjetin social TIK TOK, Khaby Lame, 22-vjeçari i cili u shndërrua në një personazh shumë të dashur.
Ai njihet për publikimin e videove duke u tallur me përdoruesit e tjerë që bëjnë gjëra të parëndësishme në mënyrë të komplikuar, teksa ai i zgjidh ato në mënyra të thjeshta.
Italo-senegalezi ka mbi 149 milionë ndjekës në TIK TOK dhe mbi 79 milionë ndjekës në Instagram.
22-vjeçari ka folur për jetën e tij.
Khaby Lame në një intervistë për mediat italiane tregoi se është një mysliman i devotshëm duke u falur pesë herë në ditë.
Lame tha se po ashtu i di edhe vargjet e Kuranit, shkruan Lajmi.net.
“Jam një budalla që luan FIFA-n. Një entuziast anime që shikon filma vizatimorë për të mësuar anglisht. Një musliman që nuk pi dhe nuk pi duhan, i njeh vargjet e Kuranit (të mësuara në Senegal) dhe fal 5 herë në ditë”, tha Lame.
