Reshjet e shumta të shiut që filluan nga dita e premte, kanë shkaktuar vërshime në qytetin e Rahovecit shiu i madhe ka sjellur dëme tek qytetarët, përcjell InLajmi.
Në lidhje me këtë katastrof natyrore ka folur i pari i komunës së Rahovecit, Smajl Latifi i cili ka njoftuar mbi gjendjen në komunën që ai drejton, ai tha së po mundohen që situata të mos dal jashtë kontrollit.
Latifi ka bërë të ditur për qytetarët e Rahovecit se do formohet komisioni i cili do vlerësoj dëmet e shkaktuara nga rreshjet e shiut, por mbi të gjitha si komun janë shprehur të gatshëm për intervenim.
Kështu ai ka përfunduar duke kërkuar ndihmë nga Qeveri e Kosovës dhe duke i lutur qytetarët që të kenë kujdes në zonat ku siguria nuk është në nivel.
Postimi i plotë i tij:
Dëme të mëdha nga vërshimet dhe përmbytjet në Rahovec, kërkojmë përkrahjen urgjente të Qeverisë
Sot, me të parë gjendjen aktuale pas reshjeve të shumta të shiut, kemi mbajtur mbledhjen e Shtabit Emergjent të komunës së Rahovecit.
Përmbytjet nga ujërat dhe pasojat që kemi në shtëpi banimi, ekonomi familjare, biznese, hapësira dhe objekte publike, bujqësi etj. i kemi parë nga afër në shumë zona të komunës sonë, posaçërisht, në: Fortesë, Sapniq, Ratkoc, Malësi e Vogël, Gexhë, Celinë, Xërxë, Dejnë, Krushë e Madhe, Nagac, Çifllak, Hoçë e Vogël, Dobidol …etj.
Me vendimin tim do të formohen komisione të veçanta të vlerësimit, të cilat do të regjistrojnë dëmet e mëdha si në: amvisëri, ekonomi të shumta familjare e biznese, bujqësi dhe infrastrukturë publike. Po bëjmë krejt çka është e mundshme si komunë, e pas hartimit të raporteve të vlerësimit, do të kërkojmë nga institucionet qendrore në Prishtinë përkrahje direkte për mbulimin e dëmeve.
Derisa moti të përmirësohet, probleme të tilla do të mund të na përsëriten, andaj bëjmë thirrje që rastet tuaja t’i adresoni në këtë numër emergjent:
*029-277-555- Njësia e zjarrfikësve-Rahovec
Drejtoria e Shërbimeve Publike me Njësinë e Zjarrfikësve, Drejtorinë e Bujqësisë, Stacionin Policor Rahovec, kompanitë e kontraktuara nga komuna jonë dhe ekipet e shumta vullnetare, janë duke punuar pandërprerë, në mbrojtje të qytetarëve dhe pronave të tyre si dhe për evitimin e rrezikut nga vërshimet, si dhe sanimin e pasojave. Nëse vazhdojnë reshjet me intensitet të lartë, dëmet mund të jenë edhe më të mëdha.
Si Kryetar i Komunës shpreh shqetësimin tim për situatën e krijuar dhe kërkoj ndihmë nga Qeveria për ta tejkaluar më lehtë gjendjen momentale dhe për t’i kompenzuar dëmet e mëdha të cilat do të dihen pas vlerësimit nga ana e komisioneve tona, të cilat do t’i evidentojnë ditëve në vijim.
Njëkohësisht, ju bëj thirrje qytetarëve të rrisin kujdesin dhe të mos lëvizin në pikat ku ende ka pasiguri dhe rrezik.
Ne jemi në terren dhe brenda kapaciteteve tona do të veprojmë. /InLajmi/
