Kamerat e Shërbimit Meteorologjik Slloven kanë regjistruar se një sasi të madhe bore ka rënë në majën e malit Kredaricë, në veriperëndim të Sllovenisë.
Temperatura ka rënë në -4 gradë, për këtë arsye bora ka mbetur në tokë.
Kredarica ndodhet në 2.541 metra mbi nivelin e detit.
Kujtojmë se ditët e fundit në rajon është shënuar mot i paqëndrueshëm, me reshje të mëdha, të cilat kanë sjellë rënie të menjëhershme të temperaturave të ajrit.
Ajri i ftohtë nga veriu dhe ajri i ngrohtë me lagështi nga deti Mesdhe përzihen në rajonin tonë, gjë që favorizon krijimin e paqëndrueshmërisë dhe reshjeve të dendura, shkruan Telegrafi.
Ndryshe, disa qytete në vendin tonë janë përballuar me gjendjen e rënduar pas vërshimeve të mbrëmshme.
