Pse ylli zviceran Federer heq dorë nga tenisi?

Legjenda e tenisit Roger Federer njoftoi tërheqjen e tij nga sporti këtë të enjte pas një karriere 24-vjeçare.

Lojtari zviceran e dha lajmin me anë të një mesazhi të postuar të enjten në Twitter.

Federer tha se Laver Cup në Londër javën e ardhshme do të jetë eventi i tij i fundit ku ai do të luajë.

Gjatë karrierës së tij, ai është përballur me lëndime dhe operacione të shumta dhe thotë se i njeh mirë “kapacitetet dhe kufijtë e trupit të tij”.

Ai mban rekordin për numrin më të lartë të javëve të njëpasnjëshme si numri një si dhe rekordin për lojtarin më të vjetër që renditet nr. 1, në moshën 36-vjeçare në vitin 2018.

Sot, 41-vjeçari është 20 herë kampion i Kampionatit Botëror të Grand Slam-it.

“Ky është një vendim i hidhur, sepse do të më mungojë gjithçka që më ka dhënë turneu”,ka shkruar Federer.
“Por në të njëjtën kohë, kam shumë për të festuar. Unë e konsideroj veten një nga njerëzit më me fat në tokë.”

Ai falënderoi gruan e tij Mirka, prindërit, motrën dhe ekipin e tij të biznesit në letrën emocionuese.

Federer krenohet me mbi 130 milionë dollarë fitime në karrierën e tij.

Federer nuk deklaroi planet e tij pas daljes në pension, por ai përfundoi letrën, duke shkruar:“Më në fund, disa fjalë për lojën e tenisit: Të dua dhe nuk do të të lë kurrë.”