Ka ndërruar jetë i mbijetuari i masakrës së Izbicës, Mustafë Dragaj,njëherësh dëshmitari kundër Sllobodan Millosheviqit në Hagë, përcjell InLajmi.
Vdekjen për Dragajt e bëri të ditur deputetja e Partisë Demokratike të Kosovës, Blerta Deliu, e cila tha se ai e ka dëshmuar kundër Sllobodan Millosheviqit për njërën ndër masakrat më të rënda në Kosovë nga ushtria e policia e regjimit Millosheviq.
Deliu tha se dëshmia për të mbijetuarin e masakrës së Izbicës që kishte përjetuar rastin e krimit mizor në Izbicë ishte thirrje për drejtësi në Kosovë.
Postimi i plotë i tij:
Paska ndërruar jetë Musafë Dragaj, i mbijetuari i masakrës së Izbicës. Baca Mustafë dëshmoi kundër Sllobodan Millosheviqit për njëren ndër masakrat më të rënda të Kosovës, atë të Izbicës.
Dëshmia e tij bashkë me ankthin e trishtimin që e kishte përjetuar me rastin e krimit mizor në Izbicë, ishte thirrje për drejtësi.
Me shuarjen e Bacës Mustafë uroj të mos shuhet edhe rrëfimi për të dhe historinë e tij.
Shpirti i tij u prehtë në paqe. /InLajmi/
