Krijimi i institutit për krime të Serbisë në Kosovë, i miratuar sot në mbledhjen e Qeverisë, është me shumë vonesë, tha ish-sekretari i grupit punues në Institutin për krime të luftës, Jahja Lluka.
Sipas tij, nuk është e mundur të bëhet një ligj i përshpejtuar brenda një kohe të shkurtër, pasi siç tha ai, do kalojë edhe një vit deri sa të aprovohet në parlament.
“Krijimi i institutit është me shumë vonesë, duhet ta dinë që ka kaluar shumë kohë nga masakrat në Kosovë e shumë njerëz kanë vdekur. Instituti duhet të jetë i pavarur, teksa unë kam shprehur vullnet të jem në dispozicion në çka ka të bëjë me Kosovën. Unë besoj që edhe pas aprovimit të këtij koncept dokumenti, do të kalojë edhe një vit deri sa të aprovohet ligji në parlament. Është e pamundur të bëhet një ligj i përshpejtuar për një kohë të shkurtër, kjo u vërtetua. Instituti duhet të krijohet pa ndërhyrje politike.”, tha Lluka.
Tutje, Lluka në Tëvë1 tha se instituti duhet të ketë shumë gjëra të veta dhe të pavarura nga Ministria e Drejtësisë.
Gjithashtu, shtoi se një institut i tillë ka ekzistuar edhe në qeverinë e parakohshme.
