Zyrtari i Partisë Demokratike të Kosovës, Betim Gjoshi i ka reaguar kryeministrit të Kosovës Albin Kurti, në lidhje me mosmarrjen e ndonjë veprimi për parandalimin e grevës së mësimëdhënësve në Kosovë, përcjell InLajmi.
Gjoshi tha se Kurtit nuk po i bëhet vonë për fëmijët kosovar që kanë mbetur jashtë dyerve të shkollave, pasi vajza e tij po e vazhdon shkollimin në Norvegji.
Kështu sipas zyrtarit nuk është çudi që kryeministrit nuk i bëhet vonë për situatën në arsim, sepse tek e fundit tha ai kështu e ka jetën e përkufizuar e nuk i intereson për Kosovë.
Gjoshi, i kujton Kurtit se dikur trumbetonte se në Bruksel po nënshkruhen akte tradhtie ndaj Kosovës në Bruksel, kurse sot krenohet duke thënë se nuk ua heq asnjë pikë e asnjë presje marrëveshjeve të That.
Postimi i plotë i tij:
Albin Kurtit nuk i bëhet vonë për fëmijët tonë dhe për ditët e javët e tyre të humbura pa shkollë, sepse vajza e tij vazhdon shkollën në Norvegji.
Në fakt, kështu është përkufizuar gjithmonë jeta e Kurtit – kurrë nuk i është bërë vonë për Kosovën.
Albin Kurti ia ka humbur Kosovës një dekadë duke mashtruar e gënjyer qytetarët e Kosovës duke iu thënë se në Bruksel po nënshkruhen akte tradhtie kundër Republikës së Kosovës dhe tani si kryeministër krenohet duke thënë se asnjë pikë dhe asnjë presje nuk ua heq marrëveshjeve të Hashim Thaçit.
Pra, edhe sot kur flasim se si Albin Kurti me arrogancë po i qaset grevës së arsimtarëve dhe shërbyesve civilë të komunave, kemi të bëjmë me të njëjtin person që Kosovës ia humb ditët, javët, muajt e vitet. /InLajmi/
