Nënkryetarja e PDK-së, Vlora Çitaku ka kritikuar kryeministrin e vendit, Albin Kurtin, pasi ky i fundit tha se kryetari i SBASHK-ut, Rrahman Jashari i kërkoi ta ndihmonte si vëlla, kurse Kurti tha se ndihmën si vëlla e jep privatisht e jo në cilësinë e kryeministrit, përcjell InLajmi.
Çitaku i thotë Kurtit se “Me të thanë motër, vëlla, nuk është fyerje”.
Sipas saj, tendenca e Kurtit për t’i ndarë mësueset në tabor dhe prindërit në një tjetër është fyese.
Ajo i bën thirrje Kurtit që të gjejë zgjidhje, pasi sipas saj kryeministri i ka në dorë çelësat e dyerve të shkollës.
Postimi i plotë i saj:
Me të thanë motër, vëlla, nuk është fyerje. Përkundrazi. E me e pranu si fyerje flet vetëm për ty, Albin. Mungesa e empatisë është simptomatike.
Ndërkohë, tendenca me i nda mësueset në një tabor, e prindërit në një tjetër është fyese. Kryeministër, të garantoj që asnjë prej mësuesve nuk i ka fëmijët as në shkolla private, e as në Norvegji.
Ulu, bisedo, gjejë zgjidhje. Çelsat e dyerve të shkollave i keni në dorë ju, kryeministër. /InLajmi/
