Partia Socialdemokrate njihet për aktivitet që ndërmerr në rast të pakënaqësive ndaj çështjeve të caktuara, kurse së fundmi ata i janë drejtuar ministrit të Shëndetësisë, Rifat Latifi për ti kërkuar llogari për gjendjen në sistemin shëndetësor, sekondar e terciar, raporton InLajmi.
Kërkesa e kësaj partie për ministrin Latifin është që të kthejë vëmendjen drejtë shëndetësisë për çka edhe është përgjegjës, e motoja e kësaj kërkese ishte “Qu prej gjumit ministër”.
Në emër të kësaj partie ka folur zëdhënësja, Natyra Kuçi, e cila kujtoi ditën kur para emergjencës Latifit i shtruan tepihun e kuq dhe kjo me arsyetimin që do i mbushnin mendjen të dilte e të shihte gjendjen në të cilën janë spitalet në Kosovë.
“Para disa ditësh ne në shkallët e emergjencës i shtrim tepihun ministrit Latifi, në një mënyrë që ta nxisim që të vinte ndoshta i nxitur nga tepihu për ta parë gjendjen në të cilën i kemi spitalet”, tha zëdhënësja e PSD-së.
Tutje Kuqi adreson kritika kundrejt ministrit Latifi për mos realizimin e asnjërit nga premtimet e bëra kur ai kishte marrë detyrën, ndërkohë që mendon ta bënte ditën më shumë se 24 orë.
Zëdhënësja e PSD-së tha se kanë vetëm një kërkesë për ministrin Latifi, të zgjohet nga gjumi dimëror e t’i përvishet punës.
“Ministri Latifi nuk e ka përmbushur asnjë prej premtimeve të veta, pra thoshte që ditës duhet t’i zgjatim edhe 2 orë që të kemi 26 orë në ditë por ne e kemi vetëm një kërkesë, që të zgjohet nga gjumi dimëror”, tha Kuçi. /InLajmi/
