Më 21 maj, PSG njoftoi rinovimin e kontratës së Kylian Mbappesë deri më 30 qershor 2025, duke lënë të zhgënjyer Realin e Madridit. Megjithatë, situata mund të ndryshojë rrënjësisht nëse vërtetohet ajo që publikon gazeta “L’Equipe”.
Sipas prestigjioze franceze, sulmuesi francez, në fakt, nënshkroi për 2 sezone, me një vit më shumë opsional, por me klauzolën që PSG nuk mund ta zgjaste pa pëlqimin e lojtarit. Kjo do të thotë se Mbappe, nëse nuk dëshiron, nuk qëndron vitin e 3 në Paris.
“Sezoni i fundit varet vetëm nga Kylian Mbappé”, konfirmon klubi për “L’Equipe”. Kjo e ndryshon tërësisht situatën, pasi Reali i Madridit mund të rikthehet në garë për të nënshkruar me sulmuesin me shpejt nga sa mendohej, shkruan Supersport.
Duke filluar nga vera e ardhshme, PSG do ta gjente veten në të njëjtën situatë si në vitin 2021, me një futbollist që mund të largohet falas në verë të vitit 2024.
