Kryetari i Kuvendit të Kosovës, Glauk Konjufca është nënshkruar në “Librin e Ngushëllimeve” për Mbretëreshën Elizabeth II, në Ambasadën e Mbretërisë së Bashkuar në Prishtinë, përcjell InLajmi.
Në nderim të saj, kryekuvendari Konjufca, është shprehur se Mbretëresha Elizabeth II e udhëhoqi lavdishëm kombin britanik, ndërsa theksoi se në mendjen e saj ishte edhe Kosova.
Konjufca ka shprehur ngushëllime për gjithë popullin britanik dhe mbarë globin.
Postimi i plotë i tij:
Sot, në hapësirat e Ambasadës së Britanisë së Madhe në Prishtinë, u shënova në librin e zisë për Mbretëreshën Elizabeth II.
Lartmadhëria e Saj, Mbretëresha Elizabeth II e udhëhoqi lavdishëm kombin britanik drejt prosperitetit dhe paqes. Por në mendimet dhe lutjet e saj ishte gjithashtu edhe Kosova. Ajo do të përkujtohet dhe nderohet përgjithmonë! Ngushëllimet e mia të sinqerta për kombin britanik, vendeve të Komonuelthit dhe mbarë botës.
U prehsh në paqe, Madhëria juaj! /InLajmi/
