Një rekomandim i ri për të ndaluar shamitë në shkollat fillore daneze është pritur me një reagim të ashpër në Danimarkë, transmeton InLajmi.
Komisioni Danez, një organ i krijuar nga Partia Social Demokratike në pushtet e Danimarkës – ka rekomanduar që qeveria e vendit të ndalojë shamitë për nxënësit në shkollat fillore daneze.
Huda Makai Asghar, 15 vjeçare, do të detyrohet të heq shaminë e saj nëse ndalimi zbatohet. Nxënësja e klasës së 9-të në Kokkedal Skole, një shkollë jashtë kryeqytetit danez, Kopenhagë, me afro 800 nxënës ka veshur shaminë për 2 vjet.
“Unë e kam ditur gjithmonë se ne kemi lirinë e fesë në Danimarkë. Unë mund të vesh atë që dua dhe mund të besoj në atë që më pëlqen. Kështu që kur dëgjova për propozimin, u habita”, tha ajo.
Asghar mendon se ideja e një ndalimi shkel lirinë e saj dhe të vajzave si ajo, dhe se është e gabuar ta detyrosh atë të heqë shaminë, shkruan Aljazeera.
Propozimi i ndalimit ka ngjallur një reagim të ashpër në Danimarkë. /InLajmi/
