“Stade Velodrom” ka shijuar fitoren e 6 të Marseille në 7 javë kampionat, me marsejezët që nuk njohin asnjë disfatë në edicionin 2022-2023, duke mos iu ndarë Paris-Saint Germain në kreun e renditjes.
Ekipi i Tudor mori fitore minimale ndaj Lilles së Fonseca-s, në një takim që u dominua në pjesën më të madhe nga vendasit. Miqtë gjetën të parët rrugën drejt rrjetës, duke realizuar në minutën e 12-të me Ismaily. Pas disa tentativave, marsejezët barazuan në minutën e 26-të me Sanchez.
Në fraksionin e 2-të Marseille mundi të përmbyste gjithçka, duke realizuar në minutën e 61-të pas një kombinimi Kolasinac-Gigot, me mbrojtësin francez që shënonin golin e tij të parë në këtë edicion të Ligue 1, shkruan supersport.
Pas fitores në këtë javë të shtatë, Marseille renditet në vend 2 me 19 pikë, po aq sa Paris Saint-Germain, ndërsa Lille, e cila pëson humbjen e tretë në kampionat dhe qëndron në vend të 6 me 10 pikë.
